Расширенный поиск
27 Января  2023 года
Логин: Регистрация
Пароль: Забыли пароль?
  • Сакъалы текени да бар, мыйыгъы киштикни да бар.
  • Башы ишлегенни, ауузу да ишлер.
  • Кёл ашады да, кеси ашады.
  • Суу да къайтады чыкъгъан джерине.
  • Тойчу джашха къарама, къойчу джашха къара.
  • Ашда уялгъан – мухар, ишде уялгъан – хомух.
  • Джерни букъусу кёкге къонмаз.
  • Сютден ауузу кюйген, суугъа юфгюре эди.
  • Агъач халкъгъа алтынды, иссиликге салкъынды.
  • Татлы тилде – сёз ариу, чемер къолда – иш ариу.
  • Аман адам элни бир-бирине джау этер.
  • Бичгенде ашыкъма, тикгенде ашыкъ.
  • Ётюрюкню къуйругъу – бир тутум.
  • Эки къатын алгъан – эки ташны ортасына башын салгъан.
  • Босагъа таш юйге кирмей эди, тыбыр таш эшикге чыкъмай эди.
  • Ышармагъан – кюлмез, кюлмеген – къууанчны билмез.
  • Юйюнг бла джау болгъандан эсе, элинг бла джау бол.
  • Иги – алгъыш этер, аман – къаргъыш этер.
  • Дженгил джетерикме деб, узун джолну къоюб, къысхасын барма.
  • Кийиминг бла танылма, адамлыкъ бла таныл.
  • Урунуу – насыбны анасы.
  • Хунаны тюбюн къазсанг, юсюнге ауар.
  • Байма, деб да, къууанма, джарлыма, деб да, джылама.
  • Намысы джокъну – дуниясы джокъ.
  • Биреу къой излей, биреу той излей.
  • Иши джокъну, сыйы джокъ.
  • Джети тилни билген джети кишиди.
  • Къыз келсе, джумуш эте келеди, къатын келсе, ушакъ эте келеди.
  • Аманны тукъумуна къарама, игини тукъумун сорма.
  • Нёгерсизни джолу узун.
  • Айран ичген – къутулду, джугъусун джалагъан – тутулду.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Байны оноуу, джарлыгъа джарамаз.
  • Атадан ёксюз – бир ёксюз, анадан ёксюз – эки ёксюз.
  • Джылар джаш, атасыны сакъалы бла ойнар.
  • Ханнга да келеди хариблик.
  • Эшекни не къадар тюйсенг да, ат болмаз.
  • Ач отунчуну ачыуу – бурнунда.
  • Ёлмесенг да, къарт дамы болмазса?
  • Урама да – ёледи, сатама да – келеди.
  • Чабакъсыз кёлге къармакъ салгъанлыкъгъа, чабакъ тутмазса.
  • Аз айтсам, кёб ангылагъыз.
  • Эки ойлашыб, бир сёлешген.
  • Джолунга кёре – джюрюшюнг, джагъанга кёре – юлюшюнг.
  • Нарт сёз къарт болмаз.
  • Ишни ахырын ойламай, аллын башлама.
  • Ёлген аслан – сау чычхан.
  • Ким бла джюрюсенг, аны кёзю бла кёрюнюрсе.
  • Ётген ёмюр – акъгъан суу.
  • Джырчы джырчыгъа – къарнаш.

Комментарии