Расширенный поиск
1 Декабря  2022 года
Логин: Регистрация
Пароль: Забыли пароль?
  • Кёзю сокъурдан – къоркъма, кёлю сокъурдан – къоркъ.
  • Итли къонакъ джарашмаз.
  • Къызгъанчдан ычхыныр, мухардан ычхынмаз.
  • Тил бла келеди джыр да.
  • Тау башында, тау болмаз, джангыз терек, бау болмаз.
  • Кёл ашады да, кеси ашады.
  • Джолунга кёре – джюрюшюнг, джагъанга кёре – юлюшюнг.
  • Ата Джуртча джер болмаз, туугъан элча эл болмаз.
  • Адамны джюреги нени кёрюрге сюйсе, кёзю да аны кёрюрге ёч болады.
  • Суугъа – чабакъ, къаягъа – ыргъакъ.
  • Олтуруб кёрюнмей эди да, ёрге туруб кёрюне эди.
  • Аурууну келиую тынч, кетиую – къыйын.
  • Ауругъан – джашаудан умутчу.
  • Дуния аламаты сен эсенг да, игиме деб айтма.
  • Дженгил джетерикме деб, узун джолну къоюб, къысхасын барма.
  • Кёпюр салгъан кеси ётер, уру къазгъан кеси кетер.
  • Къыз келсе, джумуш эте келеди, къатын келсе, ушакъ эте келеди.
  • Башынга джетмегенни сорма.
  • Аманнга да, игиге да оноусуз къатышма.
  • Эл ауузу – элек, анга ийнаннган – халек.
  • Ёзденликни кёбю ётюрюк.
  • Ишни ахырын ойламай, аллын башлама.
  • Бёрю да ач къалмасын, эчки да ашалмасын.
  • Тиширыусуз юй – отсуз от джагъа.
  • Джаш болсун, къыз болсун, акъылы, саны тюз болсун.
  • Адамны адамлыгъы къыйынлыкъда айгъакъланады.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Джюрекден джюрекге джол барды.
  • Къарнынг бла ёч алма.
  • Къартны сыйын кёрмеген, къартлыгъында сыйлы болмаз.
  • Зар адамны насыбы болмаз.
  • Арпа, будай – ащды, алтын, кюмюш а – ташды.
  • Накъырда – кертини келечиси.
  • Тамбла алтындан бюгюн багъыр ашхы.
  • Азыгъы аз, алгъа къабар, аты аман, алгъа чабар.
  • Ким бла джюрюсенг, аны кёзю бла кёрюнюрсе.
  • Джаш къарыу бла кючлю, къарт акъыл бла кючлю.
  • Киштикге къанат битсе, чыпчыкъ къалмаз эди.
  • Тойгъанлыкъ къойгъа джарашады.
  • Эл бла кёргенинг эрелей.
  • Байдан умут эте, джарлыдан ёгюз багъасы къорады.
  • Мадар болса, къадар болур.
  • Джарлы тюеге минсе да, ит къабар.
  • Къобан да къуру да къобханлай турмайды, адам да къуру да патчахлай турмайды.
  • Телини эшигин, махтау джабар.
  • Агъач – джерни чырайы, кийим – эрни чырайы.
  • Тёрде – темир таякълы, къаяда – чыпчыкъ аякълы.
  • Билмегенинги, билгеннге сор.
  • Аджашханны ызындагъы кёреди, джангылгъанны джанындагъы биледи.
  • Къонакъны къачан кетерин сорма, къачан келлигин сор.

Окъуў-билим джайгъанды

14.04.2017 0 2570  Лепшоков Х.
Алийланы Джашуну джашы Умар Къарачайны белгили адамларыны бириди. Ол, таўланы махтаўлу уланы, саўлай джашаўун халкъына къуллукъ этиўге атаб ашыргъанды. Къарачай-малкъар тилни алфавитин, грамматикасын да бириничи къурагъанды, окъуў-билим джайгъанды.

Умар 1895-чи джыл Къарачайны буруннгу эллерини бири Къарт-Джуртда Джашуну урунуўну сюйген юйдегисинде туўгъанды. Джети джылындан башлаб, Къарачайда, Къабартыда, Малкъарда, Дагъыстанда диннге юретген окъуў заведениеледе окъуб, баш билим алыб чыкъгъанды. 1915-чи-1916-чы джыллада къумукълулада школда устаз болуб ишлей, араб тил бла литературадан сора да, физикадан, математикадан, тарихден, географиядан дагъыда башха бир къаўум предметден дерсле бергенди. Сабийлени, уллуланы да окъута, таў халкъланы тарихин тинтгенди, сюзгенди. Тюрлю-тюрлю джыйылыўлада сёлеше, орус тил бла ана тилге окъутургъа керегин айтханлай тургъанды. Ана тилни алфавитин латин тамалда этгенди. Дагъыстанда, Грузияда, Башкирияда ишлегенди, профсоюз къозгъалыўла къурай, 1917-чи джыл Уфада муслиман устазланы профсоюзуну председателине сайланнганды. Ол, В.И. Ленин бла тюбешиб, Кавказда джашагъан таў миллетлеге автономияла берирге кереклисин айтханды.

Умар Алиев

РСФСР-ни Миллетлени ишлерини юслеринден халкъ комиссариатыны Кавказда бёлюмюню тамадасы болуб тургъанды. 1922-чи джыл аны Къарачай-Черкес автоном областны Ревкомуну председатели къуллукъгъа саладыла. Андан сора да ол тюрлю-тюрлю ишледе болады. Шимал Кавказ крайонону тамадасыны заместители, Край миллет советни председатели, Шимал Кавказ край илму-тинтиў институтну директору дагъыда башха къуллукълада ишлейди.

Умар илму джаны бла да белгилиди. Сёз ючюн, «Новый карачаевский букварь», «Русско-карачаево-балкарский словарь», «Карачаево-балкарский-русский словарь», «В единении - сила», «Карачаево-балкарская грамматика» деген китабланы авторуду.

Ол 1935-чи джыл Къызыл профессураны институтун таўусады. Москвада кърал университетде араб тилден дерсле бериб тургъанды. Кеси араб, персид, ингилиз, немец, орус, татар, узбек эмда башха тиллени иги билгенди.

«Ана тилин билген адамны культурасы дженгил ёседи, билими кенгереди, ол заманда сабийлеге дерс берген, аланы тин, иннет байлыкъларын ёсдюрген да тынч болады», - деб, чертгенлей тургъанды. Сабийлеге аталыб чыкъгъан «Букварь» деген китабы таўрухладан, гитче хапарладан, нарт сёзледен, ойладан, джырладан, башха затладан къуралгъанды. Гитчечиклени юретиўде аны магъанасы бек уллуду. Сабийлеге сагъыш этерге болушады, джюрек сезимлерин ариўлукъгъа къозгъайды. Ана тилни сюерге юретеди.

Юй бийчеси Хубийланы Мариям, къарачай тиширыўладан биринчи болуб, Москвада медицина институтну бошагъанды. Къарачай тиширыўланы арасында биринчи врачды.

Умар Алиев с супругой Мариям Хубиевой

Умар 1935-чи джыл экономика илмуланы доктору болады. Сталинни репрессиясыны заманында аны тутуб, бир джылдан ёлтюргендиле. Артда, 1957-чи джыл, реабилитация этгендиле. Къарачай кесини онглу, керти джашларын унутмайды. Алий улуну аты бла Къартджуртну школунда музей ачылгъанды, Къарачай-Черкес кърал университетге да аны аты аталгъанды. Ол илму литературада белгилиди, халкъгъа билим джайыў джолу тюздю, джарыкъды. Кавказны айтылгъан сыйлы джашыды, культурасы, билими мийик болгъанды. Алгъа къараб сагъыш эте билгенди. 

Таўлу халкъланы, къарнашлыкъны, шохлукъну бек сюйгенди. Къарачай аны сыйлайды, багъалатады, аны бла махтанады.
ЛЕПШОКЪЛАНЫ Хусеин,
«Къарачай» газет,
№ 21 (11 061)
2017 аж. мартны 23


Дагъыда къара: Правитель и ученый



(Нет голосов)

  • Нравится

Комментариев нет