| 24 Марта | 2023 года |
Навигация
- Ариу сёз аурууунгу алыр.
- Экиндини кеч къылсанг, чабыб джетер ашхам.
- Ауузу бла къуш тута айланады.
- Сакъламагъан затынга джолукъсанг, не бек къууанаса, не бек ачыйса.
- Башда акъыл болмаса, эки аякъгъа кюч джетер.
- Юйлю уругъа ит чабмаз.
- Таукел адам тау тешер.
- Аман хансны – урлугъу кёб.
- Окъдан джара эртде-кеч болса да бителир, сёз джара, ёмюрге къалыр.
- Халкъны юйю – туугъан джери.
- Рысхы джалгъанды: келген да этер, кетген да этер.
- Тик ёргени, тик энгишгеси да болады.
- Босагъагъа джууукъ орун болса, ашыгъыб тёрге озма.
- Къолунгдан къуймакъ ашатсанг да, атаны борчундан къутулмазса.
- Джиби бир къат джетмей эди да, эки къат тарта эди.
- Эли джокъну – кёлю джокъ.
- Ойнай билмеген, оюн бузар.
- Кесине гебен этелмеген, биреуге черен эте эди.
- Сибиртки да сыйлы болду, кюрек да кюнлю болду.
- Тёзгеннге, джабылгъан эшик ачылыр.
- Ёлмесенг да, къарт дамы болмазса?
- Халкъны джырын джырласанг, халкъ санга эжиу этер.
- Аман адам элни бир-бирине джау этер.
- Аякъларынгы джууургъанынга кёре узат.
- Къызбайны юйюне дери сюрсенг, батыр болур.
- Къоркъакъны кёзю экили кёрюр.
- Ёлюр джаннга, ёкюл джокъ.
- Дуния аламаты сен эсенг да, игиме деб айтма.
- Ач бёрюге мекям джокъ.
- Аз айтсам, кёб ангылагъыз.
- Эки элинги тыйсанг, джети элде махталырса.
- Махтаннган къыз, тойда джукълар.
- Эринчекге кюн узун.
- Къозулугъунда тоймагъан, къойлугъунда тоймаз.
- Халкъгъа джарагъан, джарлы къалмаз.
- Адам боллукъ, атламындан белгили болур.
- Бермеген къол, алмайды.
- Кийимни бир кюнню аясанг, минг кюннге джарар.
- Таякъ этден ётер, тил сюекден ётер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ачыу алгъа келсе, акъыл артха къалады.
- Аман эсирсе, юйюн ояр.
- Иги болса, тамадама – махтау, аман болса, меннге – айыб.
- Байны оноуу, джарлыгъа джарамаз.
- Сабыр джетер муратха, сабырсыз къалыр уятха.
- Мухардан ач ычхынмаз.
- Арыгъан къош чамчы болур.
- Тёрдеги кюлсе, эшикдеги ышарыр.
- Ишге юренсин къоллары, халкъ бла болсун джоллары.
- Адамны аты башхача, акъылы да башхады.
