Расширенный поиск
26 Марта 2023 года
Логин: Регистрация
Пароль: Забыли пароль?
Навигация
Словарь
  • Келинни – келгинчи, бёркню кийгинчи кёр.
  • Къыз келсе, джумуш эте келеди, къатын келсе, ушакъ эте келеди.
  • Къар – келтирди, суу – элтди.
  • Аджалсыз ёлюм болмаз.
  • Ач отунчуну ачыуу – бурнунда.
  • Ариуну – ауруу кёб.
  • Ариу сёз джыланны орнундан чыгъарыр.
  • Билеги кючлю, бирни джыгъар, билими кючлю, мингни джыгъар.
  • Сютден ауузу кюйген, суугъа юфгюре эди.
  • Айырылгъанланы айю ашар, бёлюннгенлени бёрю ашар.
  • Эте билген, этген этеди, эте билмеген, юретген этеди!
  • Тенгинг джокъ эсе – изле, бар эсе – сакъла!
  • Чомартны къолун джокълукъ байлар.
  • Билмегенинги, билгеннге сор.
  • Байма, деб да, къууанма, джарлыма, деб да, джылама.
  • Акъдан къара болмаз.
  • Аллахдан тилесенг, кёб тиле.
  • Тёзгеннге, джабылгъан эшик ачылыр.
  • Ёгюзню мюйюзюнден тутадыла, адамны сёзюнден тутадыла.
  • Ач да бол, токъ да бол – намысынга бек бол.
  • Тил – кесген бычакъ, сёз – атылгъан окъ.
  • Халкъны юйю – туугъан джери.
  • Хата – гитчеден.
  • Артына баргъанны, къатына барма.
  • Игиге айтсанг – билир, аманнга айтсанг – кюлюр.
  • Джарлыны эшигин махтагъан джабар.
  • Урунуу – насыбны анасы.
  • Чакъырылмагъан къонакъ къачан кетерин сормаз.
  • Ачыу алгъа келсе, акъыл артха къалады.
  • Хар ишни да аллы къыйынды.
  • «Ма», - дегенни билмесенг, «бер», - дегенни билмезсе.
  • Ата Джуртуму башы болмасам да, босагъасында ташы болайым.
  • Бюгюн дуния кибик, тамбла ахыратды.
  • Ач бёрюге мекям джокъ.
  • Джыгъылгъанны сырты джерден тоймаз.
  • Айтханы чапыракъдан ётмеген.
  • Къумурсхала джыйылсала, пилни да джыгъадыла.
  • Ким бла джюрюсенг, аны кёзю бла кёрюнюрсе.
  • Кесинге джетмегенни, кёб сёлешме.
  • Ишни аллы бла къууанма да, арты бла къууан.
  • Тилчи тилден къаныкъмаз.
  • Бетинги сатма, малынгы сат.
  • Таш бла ургъанны, аш бла ур.
  • Нафысынгы айтханын этме, намысынгы айтханын эт.
  • Къартха ушагъан джаш – акъыллы, джашха ушагъан къарт – тели.
  • Кийимни бичсенг, кенг бич, тар этген къыйын тюлдю.
  • Бети бедерден, намыс сакълама.
  • Туз, гырджын аша, тюзлюк бла джаша.
  • Ариу сёз – джаннга азыкъ, аман сёз – башха къазыкъ.
  • Ашыкъгъанны этеги бутуна чырмалыр.

Фотографии

+ Создать галерею
Альбомы Эльбрусоида / Спорт

Фан-клуб "Эльбрусоид"

Фотографий - 111