Расширенный поиск
3 Октября  2022 года
Логин: Регистрация
Пароль: Забыли пароль?
  • Джигер – джаннга къыйынлыкъ.
  • Джаш болсун, къыз болсун, акъылы, саны тюз болсун.
  • Дуния мал дунияда къалады.
  • Иесиз малны бёрю ашар.
  • Юйлю уругъа ит чабмаз.
  • Тёрени джагъы джокъ.
  • Чоюнну башы ачыкъ болса, итге уят керекди.
  • Кёзден кетген, кёлден да кетеди.
  • Къобан да къуру да къобханлай турмайды, адам да къуру да патчахлай турмайды.
  • Къартха ушагъан джаш – акъыллы, джашха ушагъан къарт – тели.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Бетинги сатма, малынгы сат.
  • Аманнга алтын чыдамаз.
  • Джырчы ёлсе, джыры къалыр.
  • Сютню башын джалагъан къутулур, тюбюн ичген тутулур.
  • Къарт болгъан джерде, берекет болур, сабий болгъан джерде, оюн болур.
  • Ашха уста, юйюнде болсун
  • Ургъан суудан башынгы сакъла.
  • Ауузу аманнга «иги», деме.
  • Эли джокъну – кёлю джокъ.
  • Иги джашны ышаны – аз сёлешиб, кёб тынгылар.
  • Эки элинги тыйсанг, джети элде махталырса.
  • Кийим тукъум сордурур.
  • Тюзню ётмеги тюзде къалса да, тас болмаз.
  • Адамны аты башхача, акъылы да башхады.
  • Джахил болса анасы, не билликди баласы?
  • Тюз сёз баргъан сууну тыяр.
  • Баш болса, бёрк табылыр.
  • Билим ат болуб да чабар, къуш болуб да учар.
  • Джыланны къуйругъундан басарынг келсе, аны башы болгъанын унутма.
  • Сёз – кюмюш, джыр – алтын.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Къонакъ болсанг, ийнакъ бол.
  • Къалгъан ишге къар джауар.
  • Ауругъан – джашаудан умутчу.
  • Рысхы джалгъанды: келген да этер, кетген да этер.
  • Ишленмеген джаш – джюгенсиз ат, ишленмеген къыз – тузсуз хант.
  • Юре билмеген ит, къонакъ келтирир.
  • Къарнынг къанлынга кийирир.
  • Тили узунну, намысы – къысха.
  • Ауузу бла къуш тута айланады.
  • Хата – гитчеден.
  • Къоркъакъны кёзю экили кёрюр.
  • Ёлюк кебинсиз къалмаз.
  • Чакъырылгъанны аты, чакъырылмагъанны багъасы болур.
  • Игини сыйлагъан адетди.
  • Термилгенинги табмазса, кюлгенинге тюберсе.
  • Алма терегинден кери кетмез.
  • Ачны эсинде – аш.
  • Зар адам ашынгы ашар, кесинги сатар.

100 лет Кабардино-Балкарии глазами детей

24.12.2021

Фотографий - 726