Тимур / Альбомы пользователей / Пилигрим
| 31 Марта | 2023 года |
Навигация
- Шекер бла туз – бир болмаз, ушамагъан – юй болмаз.
- Эркиши – от, тиширыу – суу.
- Тойчу джашха къарама, къойчу джашха къара.
- Айраннга суу къош, телиге джол бош.
- Ёзденликни джайгъан – джокълукъ.
- Ёнгкюч къууана барыр, джылай келир.
- Аз айтсам, кёб ангылагъыз.
- Таукел тауну аудурур.
- Азыкълы ат арымаз, къатыны аман джарымаз.
- Уллу сёзде уят джокъ.
- Ач бёрюге мекям джокъ.
- Кюл тюбюндеги от кёрюнмейди.
- Ишленмеклик адамлыкъды.
- Акъыллы айтыр эди, акъылсыз къоймайды.
- Баш – акъыл ючюн, акъылман – халкъ ючюн.
- Ана кёлю – балада, бала кёлю – талада.
- Таугъа чыгъаллыкъ эсенг, тюзде къалма.
- Тёрде – темир таякълы, къаяда – чыпчыкъ аякълы.
- Экеулен сёлеше тура эселе, орталарына барыб кирме.
- Билмейме деген – бир сёз
- Къуллукъчума, деб махтанма, къуллукъ – хаух джамчыды!
- Мал кёб болса, джууукъ кёб болур.
- Чомартха хар кюн да байрамды.
- Ариу джол аджал келтирмез.
- Бети – къучакълар, джюреги – бычакълар.
- Кечеси – аяз, кюню – къыш, джарлы къаргъагъа бир аш тюш!
- Борчунг бар эсе, хурджунунга ойлаб узал.
- Акъыллы – эл иеси, тели – эл баласы.
- Айран тёгюлсе, джугъусу къалыр.
- Термилгенинги табмазса, кюлгенинге тюберсе.
- Джети тилни билген джети кишиди.
- Татлы тилде – сёз ариу, чемер къолда – иш ариу.
- Тамырсыз терекге таянма – джыгъылырса.
- Эр сокъур болсун, къатын тилсиз болсун.
- Миллетни бойну – базыкъ, аны бла кюрешген – джазыкъ.
- Тойну къарнашы – харс, джырны къарнашы – эжиу.
- Къыз чыгъаргъан – къызыл къымжа.
- Аман эсирсе, юйюн ояр.
- Джюрекден джюрекге джол барды.
- Къаллай салам берсенг, аллай джууаб алырса.
- Иги джашны ышаны – аз сёлешиб, кёб тынгылар.
- Керилген да, ургъан кибикди.
- Бал чибинни ургъаны – ачы, балы – татлы.
- Биреуге аманлыкъ этиб, кесинге игилик табмазса.
- Аджалсыз ёлюм болмаз.
- Сёлеш деб шай берген, тохта деб, сом берген.
- Тойгъа барсанг, тоюб бар, эски тонунгу къоюб бар.
- Мадар болса, къадар болур.
- Адеб джокъда, намыс джокъ.
- Бал ашаргъа сюе эсенг, чибин ургъаннга тёз.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
