Сылпагъар_ Салых / Альбомы пользователей / ALANULAN
| 30 Марта | 2023 года |
Навигация
- Айтханы чапыракъдан ётмеген.
- Къонакъ хазыр болгъанлыкъгъа, къонакъбай хазыр тюлдю.
- Ётюрюкден тюбю джокъ, кёлтюрюрге джиби джокъ.
- Сёз сёзню айтдырыр.
- Джиби бир къат джетмей эди да, эки къат тарта эди.
- Байлыкъ адамны сокъур этер.
- Окъугъан озар, окъумагъан тозар.
- Джогъун бар этген, барын бал этген.
- Джюрекге ариу – кёзге да ариу.
- Тюз сёз баргъан сууну тыяр.
- Кечеси – аяз, кюню – къыш, джарлы къаргъагъа бир аш тюш!
- Тил – миллетни джаны.
- Хазыр ашха – терен къашыкъ.
- Чыкълы кюнде чыкъмагъан, чыкъса къуру кирмеген.
- Чакъырылгъанны аты, чакъырылмагъанны багъасы болур.
- Кютгени беш эчки, сызгъыргъаны уа, джерни джарады.
- Аман адамны тепсинге олтуртсанг, къызынгы тилер.
- Бозанг болмагъан джерге, къалагъынгы сукъма.
- Мухар, кеси тойса да, кёзю тоймаз.
- Кёзю сокъурдан – къоркъма, кёлю сокъурдан – къоркъ.
- Кенгеш болса, уруш болмаз.
- Айыбны суу бла джууалмазса.
- Къатын къылыкъсыз, эр тынчлыкъсыз.
- Ётген ёмюр – акъгъан суу.
- Джырына кёре эжиую.
- Ойнай-ойнай кёз чыгъар.
- Къатын байлыкъны сюер, эр саулукъну сюер.
- Аман хансны – урлугъу кёб.
- Ата Джуртун танымагъан, атасын да танымаз.
- Тыш элде солтан болгъандан эсе, кесинги элде олтан болгъан игиди!
- Эм ашхы къайын ана мамукъ бла башынгы тешер.
- Бал – татлы, балдан да бала – татлы.
- Аш кетер да бет къалыр.
- Миллетни бойну – базыкъ, аны бла кюрешген – джазыкъ.
- Джахил болса анасы, не билликди баласы?
- Эте билген, этген этеди, эте билмеген, юретген этеди!
- Шекер бла туз – бир болмаз, ушамагъан – юй болмаз.
- Къатыны харакетли болса, эри къымсыз болур.
- Бет бетге къараса, бет да джерге къарар.
- Окъуу – билимни ачхычы, окъуу – дунияны бачхычы.
- Тилде сюек болмаса да, сюек сындырыр.
- Къарыусузгъа кюлме, онгсузгъа тийме.
- Элде адам къалмаса, ит тахтагъа минер.
- Мен да «сен», дейме, сен да «кесим», дейсе.
- Аш хазыр болса, иш харам болур.
- Бетинги сатма, малынгы сат.
- Сабий кёргенин унутмаз.
- Аллахдан тилесенг, кёб тиле.
- Ач да бол, токъ да бол – намысынга бек бол.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
