Песен: 119 Создан:
06.05.2015 Обновлен:
06.05.2015
| 1 Октября | 2023 года |
Навигация
- Атлыны кёрсе, джаяуну буту талыр.
- Къатын къылыкъсыз, эр тынчлыкъсыз.
- Иги джашны ышаны – аз сёлешиб, кёб тынгылар.
- Ким бла джюрюсенг, аны кёзю бла кёрюнюрсе.
- Бёрю да ач къалмасын, эчки да ашалмасын.
- Джюрекден джюрекге джол барды.
- Татлы тилде – сёз ариу, чемер къолда – иш ариу.
- Айтылгъан сёз ызына къайтмаз.
- Илму – джашауну джолу.
- Мухар, кеси тойса да, кёзю тоймаз.
- Мадар болса, къадар болур.
- Ишни аллы бла къууанма да, арты бла къууан.
- Ишлегенден, къарагъан уста.
- Адебсиз адам – джюгенсиз ат.
- Джолда аягъынга сакъ бол, ушакъда тилинге сакъ бол.
- Ата Джуртча джер болмаз, туугъан элча эл болмаз.
- Таугъа чыгъаллыкъ эсенг, тюзде къалма.
- Эшекни не къадар тюйсенг да, ат болмаз.
- Тойгъа барсанг, тоюб бар, эски тонунгу къоюб бар.
- Ётюрюк хапар аякъ тюбю бла джюрюйдю.
- Билгенни къолу къарны джандырыр.
- Бек анасы джыламаз.
- Биреуню тёрюнден, кесинги эшик артынг игиди.
- Экеулен сёлеше тура эселе, орталарына барыб кирме.
- Къартха ушагъан джаш – акъыллы, джашха ушагъан къарт – тели.
- Джахил болса анасы, не билликди баласы?
- Ана къолу ачытмаз.
- Адамны аманы адамны бети бла ойнар.
- Джаханимни кёрмей, джандетге кёл салмазса.
- Бал – татлы, балдан да бала – татлы.
- Биреу ашаб къутулур, биреу джалаб тутулур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мен да «сен», дейме, сен да «кесим», дейсе.
- Къонакъ болсанг, ийнакъ бол.
- Элге къуллукъ этмеген, элге ие болмаз.
- Битмегеннге сакъал – танг.
- Джарлыны тону джаз битер.
- Къуллукъчума, деб махтанма, къуллукъ – хаух джамчыды!
- Сабийликде юретмесенг, уллу болса – тюзелмез.
- Къарын къуру болса, джюрек уру болур.
- Таш ата билмеген, башына урур.
- Ёнгкюч къууана барыр, джылай келир.
- Кёз – сюйген джерде, къол – ауругъан джерде.
- Сёлеш деб шай берген, тохта деб, сом берген.
- Келинни – келгинчи, бёркню кийгинчи кёр.
- Малны кют, джерни тюрт.
- Джаш болсун, къыз болсун, акъылы, саны тюз болсун.
- Сагъыш – къартлыкъгъа сюйюмчю.
- Бек ашыкъгъан меннге джетсин, дегенди аракъы.
- Орундукъ тюбюнде атылсам да, орта джиликме, де да айлан.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
