Песен: 28 Создан:
06.05.2015 Обновлен:
29.01.2018
| 1 Октября | 2023 года |
Навигация
- Чыбыкълыкъда бюгюлмеген, къазыкълыкъда бюгюлмей эди.
- Этим кетсе да, сюегим къалыр.
- Къозулугъунда тоймагъан, къойлугъунда тоймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Баргъанынга кёре болур келгенинг.
- Керти сёзге тёре джокъ.
- Айныгъанлы алты кюн, тогъайгъанлы тогъуз кюн.
- Намыс сатылыб алынмайды.
- Кёлю джокъну – джолу джокъ.
- Къарт болгъан джерде, берекет болур, сабий болгъан джерде, оюн болур.
- Джарлы джети элни сёзюн этер.
- Эм ашхы къайын ана мамукъ бла башынгы тешер.
- Келлик заман – къартлыкъ келтирир, кетген заман – джашлыкъ ёлтюрюр.
- Къызны минг тилер, бир алыр.
- Кечеси – аяз, кюню – къыш, джарлы къаргъагъа бир аш тюш!
- Орну джокъну – сыйы джокъ.
- Мен да «сен», дейме, сен да «кесим», дейсе.
- Биреуге аманлыкъны тилеме да, кесинге ашхылыкъны тиле.
- Джарлыны тону джаз битер.
- Юреннген ауруу къалмаз.
- Кимни – тили, тиши онглу, кимни – къолу, иши онглу.
- Бал – татлы, балдан да бала – татлы.
- Билими азны – ауузунда кирит.
- Джогъун бар этген, барын бал этген.
- Ашлыкъ – бюртюкден, джюн – тюкден.
- Сагъыш – къартлыкъгъа сюйюмчю.
- Адамны артындан къара сабан сюрме.
- Айран ичген – къутулду, джугъусун джалагъан – тутулду.
- Ёлюр джаннга, ёкюл джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Рысхы джалгъанды: келген да этер, кетген да этер.
- Чомартха Тейри да борчлуду.
- Малны кют, джерни тюрт.
- Накъырда – кертини келечиси.
- Кюн кёрмеген, кюн кёрсе, кюндюз чыракъ джандырыр.
- Ишге юренсин къоллары, халкъ бла болсун джоллары.
- Джангыз терек къынгыр ёсер.
- Акъыллы – эл иеси, тели – эл баласы.
- Суугъа – чабакъ, къаягъа – ыргъакъ.
- Акъылсызны джууукъгъа алма, акъыллыны кенгнге салма.
- Ашыкъгъанны этеги бутуна чырмалыр.
- Ауурну тюбю бла, дженгилни башы бла джюрюген.
- Тойгъа алгъа да барма, тойда артха да къалма.
- Юйлю уругъа ит чабмаз.
- Телини эшигин, махтау джабар.
- Хунаны тюбюн къазсанг, юсюнге ауар.
- Тели турса – той бузар.
- Къартны бурнун сюрт да, оноугъа тут.
- Ишленмеген джаш – джюгенсиз ат, ишленмеген къыз – тузсуз хант.
- Джауумдан сора, кюн кюйдюрюр, ётюрюкден сора, айыб кюйдюрюр.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
