Аудио :: Аудио:: Иги сёзню бичакъ кесмез

Акъыл бла адеб эгизледиле.
Ата джурт – алтын бешик.
Берекет берсин деген джерде, берекет болур.
Итли къонакъ джарашмаз.
Рысхы – насыбха къор.
Эки итни арасына сюек атма, эки адамны арасында сёз чыгъарма.
Джаш къарыу бла кючлю, къарт акъыл бла кючлю.
Эринчекге кюн узун.
Шайтан алдады, тюзлюк къаргъады.
Кечеси – аяз, кюню – къыш, джарлы къаргъагъа бир аш тюш!
Башынга джетмегенни сорма.
Билмейме деген – бир сёз
Къыйынлы джети элни къайгъысын этер.
Тёрдеги кюлсе, эшикдеги ышарыр.
Ашха уста, юйюнде болсун
Чомартны къолу берекет.
Къонакъ хазыр болгъанлыкъгъа, къонакъбай хазыр тюлдю.
Джарлыны тону джаз битер.
Ашда уялгъан – мухар, ишде уялгъан – хомух.
Эм уллу байлыкъ – джан саулукъ.
Къралынгы – душмандан, башынгы от бла суудан сакъла.
Адам сёзге тынгыла, акъыл сёзню ангыла.
Тыш элде солтан болгъандан эсе, кесинги элде олтан болгъан игиди!
Мураты болгъанны джюрек тебюую башхады.
Къатын байлыкъны сюер, эр саулукъну сюер.
Къаллай салам берсенг, аллай джууаб алырса.
Тай асырагъан, атха минер.
Чомарт джарлы болмаз.
Душманны тышы – акъ, ичи – къара.
Кесине гебен этелмеген, биреуге черен эте эди.
Биреу къой излей, биреу той излей.
Ётюрюкню къуйругъу – бир тутум.
Къайгъы тюбю – тенгиз.
Сютню башын джалагъан къутулур, тюбюн ичген тутулур.
Айтхан сёзюне табылгъан.
Адеб этмеген, адеб кёрмез.
Адам боллукъ, атламындан белгили болур.
Айтылгъан сёз ызына къайтмаз.
Аман къатын сабий табса, бий болур…
Аман адам элни бир-бирине джау этер.
Ашыкъгъан cуу, тенгизге джетмез.
Термилгенинги табмазса, кюлгенинге тюберсе.
Ариу сёз – джаннга азыкъ, аман сёз – башха къазыкъ.
Тамбла алтындан бюгюн багъыр ашхы.
Къарнынг тойгъунчу аша да, белинг талгъынчы ишле.
Къарыусузгъа кюлме, онгсузгъа тийме.
Тойну къарнашы – харс, джырны къарнашы – эжиу.
Къарт болгъан джерде, берекет болур, сабий болгъан джерде, оюн болур.
Чомартны къолун джокълукъ байлар.
Рысхы джалгъанды: келген да этер, кетген да этер.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес