Аудио :: Аудио:: Газаев Алим

Аллахдан тилесенг, кёб тиле.
Къарнынг тойгъунчу аша да, белинг талгъынчы ишле.
Огъурлуну сёзю – суу, огъурсузну сёзю – уу.
Малны кют, джерни тюрт.
Ишлемеген – тишлемез.
Терек ауса, отунчу – кёб.
Ёгюзню мюйюзюнден тутадыла, адамны сёзюнден тутадыла.
Адеби болмагъан къыз – тузсуз хант.
Къанны къан бла джуума, аманны аман бла къуума.
Чакъырылгъанны аты, чакъырылмагъанны багъасы болур.
Рысхы джалгъанды: келген да этер, кетген да этер.
Магъанасыз сёз – тауушсуз сыбызгъы.
Джаш къарыу бла кючлю, къарт акъыл бла кючлю.
Ачлыкъда тары гырджын халыуадан татлы.
Ашда уялгъан – мухар, ишде уялгъан – хомух.
Къатыны харакетли болса, эри къымсыз болур.
Игилик игилик бла сингдирилиучю затды.
Уясында не кёрсе, учханында аны этер.
Ашха уста, юйюнде болсун
Тиширыусуз юй – отсуз от джагъа.
Бичгенде ашыкъма, тикгенде ашыкъ.
Иши джокъну, сыйы джокъ.
Ёлген аслан – сау чычхан.
Тешигини къатында, чычхан да батыр болур.
Ана – юйню кюн джарыгъы.
Акъыл бла адеб эгизледиле.
Тенгинг джокъ эсе – изле, бар эсе – сакъла!
Ауругъан – джашаудан умутчу.
Окъуу – билимни ачхычы, окъуу – дунияны бачхычы.
Ариу – кёзге, акъыл – джюрекге.
Тюз сёз баргъан сууну тыяр.
Алма терегинден кери кетмез.
Сёз къанатсыз учар.
Къыз тиширыу кеси юйюнде да къонакъды.
Телиге от эт десенг, юйюнге от салыр.
Ана къолу ачытмаз.
Арыгъан къош чамчы болур.
Бетинги сатма, малынгы сат.
Билим ат болуб да чабар, къуш болуб да учар.
Башы джабылгъан челекге, кир тюшмез.
Кийимни бичсенг, кенг бич, тар этген къыйын тюлдю.
Ишлерге уял да, ашаргъа табма.
Элни кючю – эмеген.
Таякъ этден ётер, тил сюекден ётер.
Аманнга игилик этсенг, юйюнге сау бармазса.
Туз, гырджын аша, тюзлюк бла джаша.
Булут кёкге джарашыу, уят бетге джарашыу.
Бюгюн дуния кибик, тамбла ахыратды.
Чомартны къолун джокълукъ байлар.
Гырджын – тепсини тамадасы.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес