Аудио :: Аудио:: Отаров Омар

Къызны минг тилер, бир алыр.
Биреуню къыйынлыгъы бла кесинге джол ишлеме.
Тели турса – той бузар.
Хар сёзню орну барды.
Игини сыйлагъан адетди.
Къарт айтханны этмеген, къартаймаз.
Берекет берсин деген джерде, берекет болур.
Уллу айтханны этмеген – уллаймаз.
Аманнга игилик этсенг, юйюнге сау бармазса.
Аманны эки битли тону болур, бирин сеннге кийдирир, бирин кеси киер.
Юй кюйдю да, кюйюз чыкъды, ортасындан тюйюш чыкъды.
Бетинги сатма, малынгы сат.
Кёл ашады да, кеси ашады.
Иесиз малны бёрю ашар.
Ач да бол, токъ да бол – намысынга бек бол.
Байма, деб да, къууанма, джарлыма, деб да, джылама.
Ёпкелегенни ашы татлы болады.
Къартха ушагъан джаш – акъыллы, джашха ушагъан къарт – тели.
Таукелге нюр джауар.
Ауругъан – джашаудан умутчу.
Къонакъ хазыр болгъанлыкъгъа, къонакъбай хазыр тюлдю.
Таукел тауну аудурур.
Татлы тилде – сёз ариу, чемер къолда – иш ариу.
Джарлы тюеге минсе да, ит къабар.
Эл бла кёргенинг эрелей.
Таула не мийик болсала да, аууш табылыр.
Джангыз терек къынгыр ёсер.
Тюзлюк тас болмайды.
Бети къызарыучу адамны, джюреги харам болмаз.
Огъурлуну сёзю – суу, огъурсузну сёзю – уу.
Таукел къуру къалмаз.
Ашда уялгъан – мухар, ишде уялгъан – хомух.
Шекер бла туз – бир болмаз, ушамагъан – юй болмаз.
Ойнай билмеген, уруб къачар.
Соргъан айыб тюлдю, билмеген айыбды.
Босагъа таш юйге кирмей эди, тыбыр таш эшикге чыкъмай эди.
Кимни – тили, тиши онглу, кимни – къолу, иши онглу.
Элде адам къалмаса, ит тахтагъа минер.
Уруну арты – къуру.
Кёзю сокъурдан – къоркъма, кёлю сокъурдан – къоркъ.
Тилсиз миллет джокъ болур.
Ач къалгъандан, кеч къалгъан къолай.
Ач, тоймам, дейди, тойгъан, ач болмам, дейди.
Кёб ант этген, кёб ётюрюк айтыр.
Бети бедерден, намыс сакълама.
Чабакъгъа акъыл, табагъа тюшсе келеди.
Хоншуну тауугъу къаз кёрюнюр, келини къыз кёрюнюр.
Кёб джашагъан – кёб билир.
Эртде тургъан джылкъычыны эркек аты тай табар.
Адебни адебсизден юрен.

Логин:	Регистрация

Пароль:	Забыли пароль?

Запомнить меня

Аудио

Отаров Омар

Скачать

Адрес