Аудио :: Аудио:: Теппеев Алим

Эри аманны, къатыны – аман.
Ёлюр джаннга, ёкюл джокъ.
Аз сёлеш, кёб ишле.
Тилчи бир сагъатха айлыкъ хата этер.
Ханы къызы буюгъа-буюгъа киштик болду.
Сакъ юйюне сау барыр.
Биреуню тёрюнден, кесинги эшик артынг игиди.
Иги адамны бир сёзю эки болмаз.
Аш хазыр болса, иш харам болур.
Уллу суу бла уллу ауруудан башынгы сакъла.
Ашхы адам – халкъ байлыгъы, ашхы джер – джашау байлыгъы.
Иги болса, тамадама – махтау, аман болса, меннге – айыб.
Ауузу бла къуш тута айланады.
Окъугъанны бети джарыкъ.
Айтхан – тынч, этген – къыйын.
Урама да – ёледи, сатама да – келеди.
Ата – билек, ана – джюрек!
«Ёгюз, джаргъа джууукъ барма, меннге джюк боллукъса», - дегенди эшек.
Ана – юйню кюн джарыгъы.
Мураты болгъанны джюрек тебюую башхады.
Оюмсуз атлагъан, аджалсыз ёлюр.
Таякъ этден ётер, тил сюекден ётер.
Насыб бютеу халкъны юлюшюдю.
Атадан ёксюз – бир ёксюз, анадан ёксюз – эки ёксюз.
Аллахха ийнаннган кишини, Аллах онгдурур ишин.
Къалгъан ишге къар джауар.
Ариу сёзде ауруу джокъ.
Тойгъандан сора, ашны сёкме.
Тенги кёбню джау алмаз, акъылы кёбню дау алмаз.
Хаухну атма, ёнгкючню сатма.
Тёзген – тёш ашар!
Эки ойлашыб, бир сёлешген.
Таукел адам тау тешер.
Адамны аманы адамны бети бла ойнар.
Тик ёргени, тик энгишгеси да болады.
Ачлыкъда тары гырджын халыуадан татлы.
Мени джылытмагъан кюн, меннге тиймесин!
Ургъан суудан башынгы сакъла.
Уллу айтханны этмеген – уллаймаз.
Ётген ёмюр – акъгъан суу.
Ашына кёре табагъы, балына кёре къалагъы.
Эл тойса, тоймагъан, эл къойса, къоймагъан.
Чабар ат – джетген къыз.
Шайтан алдады, тюзлюк къаргъады.
Эл элде бирер малынг болгъандан эсе, бирер тенгинг болсун.
Дууулдаса – бал чибин, къонса – къара чибин.
Суу кетер, таш къалыр.
Ойнай-ойнай кёз чыгъар.
Ач, тоймам, дейди, тойгъан, ач болмам, дейди.
Кимни – тили, тиши онглу, кимни – къолу, иши онглу.

Логин:	Регистрация

Пароль:	Забыли пароль?

Запомнить меня

Аудио

Теппеев Алим

Скачать

Адрес