Аудио :: Аудио:: Аппаев Алим

Къолунгдан къуймакъ ашатсанг да, атаны борчундан къутулмазса.
Кимни – тили, тиши онглу, кимни – къолу, иши онглу.
Кёл ашады да, кеси ашады.
Уруну арты – къуру.
Юйюнгден чыкъдынг – кюнюнгден чыкъдынг.
Къумурсхала джыйылсала, пилни да джыгъадыла.
Чомарт къолда мал къалмаз.
Айраннга суу къош, телиге джол бош.
Ашыкъгъан cуу, тенгизге джетмез.
Ёлген ийнек сютлю болур.
Элде адам къалмаса, ит тахтагъа минер.
Эринчекге кюн узун.
Таукелге нюр джауар.
Бетинги сатма, малынгы сат.
Къуру гыбыт бек дыгъырдар.
Къобан да къуру да къобханлай турмайды, адам да къуру да патчахлай турмайды.
Къонакъны къачан кетерин сорма, къачан келлигин сор.
Айыбны суу бла джууалмазса.
Суу ичген шауданынга тюкюрме.
Аман киши кеси юйюнде – къонакъ.
Ёгюзню мюйюзюнден тутадыла, адамны сёзюнден тутадыла.
Ёнгкюч къууана барыр, джылай келир.
Сакъалы текени да бар, мыйыгъы киштикни да бар.
Телиге от эт десенг, юйюнге от салыр.
Ач отунчуну ачыуу – бурнунда.
Иги болса, тамадама – махтау, аман болса, меннге – айыб.
Агъач – джерни чырайы, кийим – эрни чырайы.
Нарт сёз къарт болмаз.
Къалгъан ишге къар джауар.
Сютден ауузу кюйген, суугъа юфгюре эди.
Чакъырылмагъан къонакъ къачан кетерин сормаз.
Чоюнну башы ачыкъ болса, итге уят керекди.
Хазыр ашха – терен къашыкъ.
Дуния аламаты сен эсенг да, игиме деб айтма.
Тулпарлыкъ, билекден тюл – джюрекден.
Мухар, кеси тойса да, кёзю тоймаз.
Тин – байлыгъынг, терен саулугъунг.
Эки ойлашыб, бир сёлешген.
Къартны сыйын кёрмеген, къартлыгъында сыйлы болмаз.
Аман къатын алгъан, арыр, иги къатын алгъан джарыр.
Ёгюзню мюйюзлери ауурлукъ этмейдиле.
Джырчы ёлсе, джыры къалыр.
Биреу къой излей, биреу той излей.
Аджал соруб келмез, келсе, къайтыб кетмез.
Кёб джашагъан – кёб билир.
Сабий кёргенин унутмаз.
Окъугъан озар, окъумагъан тозар.
Ана – юйню кюн джарыгъы.
Чёбню кёлтюрсенг, тюбюнден сёз чыгъар.
Атлыны кёрсе, джаяуну буту талыр.

Логин:	Регистрация

Пароль:	Забыли пароль?

Запомнить меня

Аудио

Аппаев Алим

Скачать

Адрес