Аудио ::

Эки итни арасына сюек атма, эки адамны арасында сёз чыгъарма.
Тура эдим джата, къайдан чыкъды хата?
Иги адам абынса да, джангылмаз.
Таш бла ургъанны, аш бла ур.
Ач – эснер, ат – кишнер.
Бичгенде ашыкъма, тикгенде ашыкъ.
Кёб къычыргъандан – къоркъма, тынч олтургъандан – къоркъ.
Ата – баланы уясы.
Сютню башын джалагъан къутулур, тюбюн ичген тутулур.
Минг тенг да азды, бир джау да кёбдю.
Ишленмеген джаш – джюгенсиз ат, ишленмеген къыз – тузсуз хант.
Экиндини кеч къылсанг, чабыб джетер ашхам.
Тынгылагъан тынгы бузар.
Халкъны юйю – туугъан джери.
Таукелге нюр джауар.
Ашлыкъны арба юйге келтирир, чана базаргъа элтир.
Хоншуну тауугъу къаз кёрюнюр, келини къыз кёрюнюр.
Элге къуллукъ этмеген, элге ие болмаз.
Ёлген аслан – сау чычхан.
Баш – акъыл ючюн, акъылман – халкъ ючюн.
Кёлю джокъну – джолу джокъ.
Келинни – келгинчи, бёркню кийгинчи кёр.
Бети бедерден, намыс сакълама.
Билген билмегенни юретген адетди.
Киштикге къанат битсе, чыпчыкъ къалмаз эди.
Сибиртки да сыйлы болду, кюрек да кюнлю болду.
Башланнган иш битер, къымылдагъан тиш тюшер.
Элни кючю – эмеген.
Къошда джокъгъа – юлюш джокъ.
Бек ашыкъгъан меннге джетсин, дегенди аракъы.
Тамчы таш тешер.
Эл бла кёргенинг эрелей.
Сууда джау джокъ, кёб сёзде магъана джокъ.
Чакъырылмагъан къонакъ къачан кетерин сормаз.
Дуния малгъа сатылма, кесингден телиге къатылма.
Суугъа – таянма, джаугъа – ийнанма.
Хунаны тюбюн къазсанг, юсюнге ауар.
Тин – байлыгъынг, терен саулугъунг.
Мухар, кеси тойса да, кёзю тоймаз.
Ачлыкъда тары гырджын халыуадан татлы.
Мен да «сен», дейме, сен да «кесим», дейсе.
Джюз элде джюз ёгюзюм болгъандан эсе, джюз джууугъум болсун.
Арба аугъандан сора, джол кёргюзтюучю кёб болур.
Ач бёрюге мекям джокъ.
Тилсиз миллет джокъ болур.
Байлыкъдан саулукъ ашхыды.
Ишленмеклик адамлыкъды.
Тай асырагъан, атха минер.
Къолу уллу – асыу, аягъы уллу – джарсыу.
Билмегенинги, билгеннге сор.

Логин:	Регистрация

Пароль:	Забыли пароль?

Запомнить меня

Аудио

Скачать

Популярные песни

Адрес