- Тёрени джагъы джокъ.
- Ишге юренсин къоллары, халкъ бла болсун джоллары.
- Кюн кёрмеген, кюн кёрсе, кюндюз чыракъ джандырыр.
- Акъыл бла адеб эгизледиле.
- Ишленмеклик адамлыкъды.
- Сёлеш деб шай берген, тохта деб, сом берген.
- Иесиз малны бёрю ашар.
- Иши джокъну, сыйы джокъ.
- Джюрекге ариу – кёзге да ариу.
- Аш берме да, къаш бер.
- Джаз бир кюнню джатсанг, къыш талай кюнню абынырса.
- Мураты болгъанны джюрек тебюую башхады.
- Тойгъа алгъа да барма, тойда артха да къалма.
- Байлыкъ тауусулур, билим тауусулмаз.
- Орну джокъну – сыйы джокъ.
- Уруну арты – къуру.
- Эрине къаргъыш этген къатын, эрнин къабар.
- Эллинг бла джау болсанг да, юйюнг бла джау болма.
- Къонакъ кёб келюучю юйню, къазаны отдан тюшмез.
- Узун джолну барсанг, бюгюн келирсе, къысха джолну барсанг, тамбла келирсе.
- Чыбыкълыкъда бюгюлмеген, къазыкълыкъда бюгюлмей эди.
- Уясында не кёрсе, учханында аны этер.
- Джюрек кёзден алгъа кёрюр.
- Къызбайны юйюне дери сюрсенг, батыр болур.
- Байны оноуу, джарлыгъа джарамаз.
- Башсыз урчукъ тюзюне айланмаз.
- Ач къарным, тынч къулагъым.
- Эм уллу байлыкъ – джан саулукъ.
- Эл бла кёргенинг эрелей.
- Мухардан ач ычхынмаз.
- Ишни ахырын ойламай, аллын башлама.
- Эркишини аманы тиширыуну джылатыр.
- Сормай – алма, чакъырылмай – барма.
- «Ма», - дегенни билмесенг, «бер», - дегенни билмезсе.
- Эркишиге тары кебек танг кёрюнюр.
- Джырчы ёлсе, джыры къалыр.
- Телини эшигин, махтау джабар.
- Къобан да къуру да къобханлай турмайды, адам да къуру да патчахлай турмайды.
- Ишлегенден, къарагъан уста.
- Асхат ашлыкъ сата, юйдегиси ачдан къата.
- Ишин билген, аны сыйын чыгъарады.
- Чыкълы кюнде чыкъмагъан, чыкъса къуру кирмеген.
- Джашынгы кесинг юретмесенг, джашау юретир.
- Ана къойну – балагъа джандет.
- Адамгъа аман кюн соруб келмейди.
- Насыб бютеу халкъны юлюшюдю.
- Алгъанда – джууукъ, бергенде – джау.
- Ат да турмайды бир териде.
- Ашына кёре табагъы, балына кёре къалагъы.
- Айранны сюйген, ийнек тутар.
