Радио

Къатын байлыкъны сюер, эр саулукъну сюер.
Тилчиден кери бол.
Ашхы болсанг, атынг чыгъар, аман болсанг, джанынг чыгъар.
Къыз тиширыу кеси юйюнде да къонакъды.
Мал ёлсе, сюек къалыр, адам ёлсе, иши къалыр.
Къызбайны юйюне дери сюрсенг, батыр болур.
Къууут – джелге, берне – бошха.
Ауругъанны сау билмез, ач къарынны токъ билмез.
Агъач халкъгъа алтынды, иссиликге салкъынды.
Аман адам этегингден тутса, кес да къач.
Башынга джетмегенни сорма.
Чомартха хар кюн да байрамды.
Азыкълы ат арымаз, къатыны аман джарымаз.
Чомарт джарлы болмаз.
Чабакъгъа акъыл, табагъа тюшсе келеди.
Джумушакъ сёз къаты таякъны сындырыр.
Джырына кёре эжиую.
Байны къызы баймакъ болса да, юйде къалмаз!
Керек ташны ауурлугъу джокъ.
Джашынгы кесинг юретмесенг, джашау юретир.
Тёрени джагъы джокъ.
Ишленмеклик адамлыкъды.
Аш кетер да бет къалыр.
Чабар ат – джетген къыз.
Кийимни бичсенг, кенг бич, тар этген къыйын тюлдю.
Нёгерсизни джолу узун.
Джаралыны джастыгъында сау ёлюр.
Биреуге аманлыкъ этиб, кесинге игилик табмазса.
Тойгъандан сора, ашны сёкме.
Чомартны къолу берекет.
Кийим тукъум сордурур.
Хоншуну тауугъу къаз кёрюнюр, келини къыз кёрюнюр.
Элни кючю – эмеген.
Ашатыргъа иш – ашхы, ишлетирге аш – ашхы.
Джырчы джырчыгъа – къарнаш.
Эски джаугъа ышанма.
Ашхы сёз таш тешер.
Ургъан суудан башынгы сакъла.
Агъач – джерни чырайы, кийим – эрни чырайы.
Джюрекге ариу – кёзге да ариу.
Кёбню кёрген – кёб билир.
Сабийни джумушха джибер да, ызындан бар.
Бермеген къол, алмайды.
Тилсиз миллет джокъ болур.
Сагъыш – къартлыкъгъа сюйюмчю.
Билгенни къолу къарны джандырыр.
Телиге от эт десенг, юйюнге от салыр.
Джюрекден джюрекге джол барды.
Ётюрюкден тюбю джокъ, кёлтюрюрге джиби джокъ.
Джюрек кёзден алгъа кёрюр.

Чат

Внимание!